شـلـة التكفير والغدر للسيف الصقيل
في عهد سلمان والعدل وأحكام القضاه
قاتل أمه طلعة الفجر بالشهر الفضيل
يا عنا اللي خلف أمثال ذولا ياعناه
الله أكبر كيف يرضون بالذنب الثقيل
كيف خان أمه وطاع الدواعش والعصاه
لو تذكّر قبل جُرمه وراجع لو قليل
والليالي الماضية سيرته واللي وراه
كم من الآلآم والهم والنوم القليل
تحمله في بطنها تسعة إشهورٍ رضاه
تنتظر ساعة مجيه من الحبس الطويل
والسعاده حين فرحت بشوفه ف الحياه
أمه اللي تحضنه كل يوم وكل ليل
ما تهنى بنومها وعيونها تشرب غلاه
نسي دمعتها ونسي الرعايه والجميل
ما درى انها ترتجي وكل يومٍ في رجاه
يا دموع الحزن هلي على هذا الرحيل
وكل شعب المملكه يدعي الله في سماه
يرحم ويغفر لها الذنب بالشهر الفضيل
وفي جنان الخلد يجعل لها قصرٍ بناه