عبدالله البطيان
عــام ٍ جديد وكيف ذهني يحتويه
إلا عـلى طـــول الأمــل حـدينـــها
تســـرح قصيده للخيال ويمتطيه
ويركض ورى طيب النفوس ايدينها
ما تنــحدر للتــيه والعــز ايحديــه
نــور الوجيــه اللي يــضاهي زينها
سمــت بســم رب العبــاد وتعتـليه
وزن الحــلا عنــد الطــموح اتبينها
بانــت أمــل عــالي وللفرحه تجيه
جــية عنــود ٍ كحــــلت عيـــنيننها
متبـــخترة عـــند الــتفاءل ترتديه
ثوب ٍ جميـــل يصـــارعه ردفــينها
وتقنص من الإبداع ما كان يعصيه
إلا فـــناجــيل الفــــخـر كفيـــنهـــا
تحمل على الضيفان وتصب اللي فيه
من دلـة الرســلان ضـــي جبـــينها
ومن قلطة التمر الحساوي تنتخيه
عامٍ بـــه البشــرى زهى خـــديــنها
الله عليــه الله عليــه الله عليـــه
اللي قـــصد خيـــره وقفــا شيـنها
عبدالله البطيّان
فندق قصر الحمرا – الرياض
الأحد 29 ذو الحجة 1439هـ