بقلم الشاعر - محمدالسفياني
عشتك خيال
عشتك خيال عشتك جنون ابلا وصال
ليتك معي … ليت الهوى مني قريب
منهو أنا: واقف على … حدود المحال
فاكرني عاد ، وإلا تشوف أني غريب
أنادي فيك … جوات قلبي لك سؤال
وين العيون؟ اللي لها الخافق يطيب
شمسك أنا: خبري بها … قبل الزوال
اشلون بس؟ عن ناظري فجأه تغيب
اللي حصل.. ماقد طرى لي يوم بال
كنت أعتقد … إنك معي دايم قريب
صرت البعيد … اللي لقا زولك خيال
صرت الحزين اللي فقد نظرة حبيب
محمد السفياني
