د.عبدالرحمن السعيد
بين كسب القلوب وبين كسر القلوب
كلمة الطيب تترك في حياتك أثر
كم حبيبٍ كسبته رغم كثر العيوب
التغافل فضيله من كسبها ظفر
لاتكوّن علاقه مصلحتها الجيوب
وصاحبك لاتدور طيحته لو عثر
كون للحب مبدأ وخل صدرك رحوب
إقبل الإختلاف ولاتدور كدر
كون للصدق منبر ولا تخاوي كذوب
والنصيحة بسرٍ والنتيجه تسر
الخطا مايعيبك بس تخطي.. تتوب
في النهايه ترانا إن خطينا..بشر
ولو ربي سترك في إقتراف الذنوب
لاتجاهر وتفضح ماستره القدر
الصبر والتسامح عاليات الكعوب
مثل ليلة كحيلة واكتست بالبدر
ياإلهي لحالك عالمٍ بالغيوب
طالبك ياإلهي ياسميعٍ بَصِر
العفو منك وحدك ياجبير القلوب
مالنا ياإلهي من لقاءك مفر
(
(
