عبد الرحمن السعيد
عبد الرحمن السعيد
يابياض الثلج ياطُهر السحاب
ياشعوري بالدفا لحظة حنين
بين آهاتي وأنفاسي عتاب
وبين أوجاعي وأفراحي سنين
شوف قلبي يابياض الثلج ذاب
من حرارة عشق وأشواق وأنين
صار جمره من كثر حمل العذاب
مايحس إلا جفا برد الظنين
في نياط القلب ألآم الغياب
وبين أعماق الحشا جرحٍ دفين
وصرت كنّي بين حيّه وبين داب
لكن إني في وسط دربي رزين
من صغر سن الهوى هالقلب شاب
وانكتب في صفحة أيامه ( حزين )
بين نابين المفارق والحراب
وتحت مقصلة الأسى والحاسدين
عاش قلبٍ أبيض بطهر السحاب
وسط ثلج البعد يحرقه الحنين
