عبدالرحمن السعيد
عبدالرحمن السعيد
اخون الكبرياء اللي بعيني و بالخفا اطريك
اتمتم اسمك بقلبي و دمعي يسأل إشلونك
عساك بخير يا ذكرى غرامٍ احتفي بماضيك
عسى اطلال قصتنا تمرّ أحيان بعيونك
تناساني الفرح من غيبتك واحلامي إتناديك
بقى عطرك على صدرٍ يثير إحساس مجنونك
حكاية جرح عاشق لا طروا سيرتك ما يشكيك
يقدم احترامك في عيونه و حالف إيصونك
بقى جرحك وسط قلبي ودمّي مانشف بايديك
وتتكالب على قلبي طعون وما اقدر اخونك
رغم كل ما مضى لي من عذابٍ بالخفا اطريك
اخون الكبرياء اللي بقلبي و أسأل إشلونك
