د.عبدالرحمن السعيد
قل للظلام إذا بدت صحوة الشمس
ينسى ستار الليل مسدول فيني
مازال صوت الغنج في مسمعي همس
ومازال نوره منورٍ في جبيني
بسمه بعد نظره ومابينها لمس
أجمل حكاية لمس زارت يديني
وإتشابكت خمس الدفا في وسط خمس
وإتعانقت نظرات عينه وعيني
من قبل ماأسمع تنفّاسها رمس
ذابت قوافي حكيها في حنيني
ليتك يابكره ماتجي وأنتظر أمس
وليتك ياأمسي دايمٍ في سنيني
يحرم على التفكير ياواقعي طمس
ذكراه من قلبي وهو يحتويني
بيعيش في روحي ولو طلعت الشمس
عطره وباقي الشوق منقوش فيني
