مهدي عيد العطوي
ورجلٍ إذا انك نخيته لفاك
ورجلٍ إذا انك نصيته هفى
يخونك رفيقٍ تعشى معاك
ويفزع لصوتك غريبٍ لفى
وكم واحدٍ تحسب انه ضياك
وعند الشدايد سراجه طفى
وكم واحدٍ للمصالح يباك
وعقب المصالح يعود الجفى
وكمْ وجه يضحك ويظهر غلاك
ينافق وقلبه ترى ما صفى
يسولف بظهرك ويطعن قفاك
ويرمي سهامه بغدر و خفى
وناسٍ تودّك وتدمح خطاك
وناسٍ تدور عليك الأفا
وكم من غريبٍ تعدّه أخاك
وكم من قريبٍ عطاك القفى
وعمر البحر ما روى لك ضماك
وعمر الشتا ما عطاك الدفى
فلا تنتظر من ليئمٍ رضاك
ولا تحتري من رديٍ وفا
التعليقات 1
1 ping
المسعودي
15/04/2019 في 11:15 م[3] رابط التعليق
صح لسانك أبو طلال
عز الله انك ونعم الرجل
انت اخ وصديق و نعم فيك