الندى
في غرامك بمشي الصعب المحال
لين أوصل منتهى آخر سطر
كنت لي أعذب إجابات السؤال
والمشاعر فـ اختيارك تختصر
في حضورك شوق عمري إختيال
في غيابك كل مافيني قهر
في كلامك سلسبيل العذب سال
في سكوتك ويل آهاتي جمر
احتويني في مساحات الخيال
منيتي لحظه على بالك أمر
ما يميل القلب لو هالكون مال
بوصلة قلبي عيونك له سحر
شهد حبك كوثر العذب الزلال
والقطوف الدانيه ورد وْ زهر
في سما هجرك ترانيم الوصال
وفي وصالك نغمة الخافق شعر
مبتدا الآمال في حبك دلال
ومنتهى الأشواق في قربك عمر
