أنا كلي أحبك حب ماحبه بشر قبلي
وأقسم لك أنا بالحب مامثلي أبد إنسان
دخيلك لو تبي أكثر حبيب الروح بس قل لي
بعد عشقي هيامي بك وشوقي يالغلا إدمان
ويا أجمل قدر يا أنت يا حيي ويا ملي
هنا روحي برا جرحي من الأوجاع والأحزان
معك عمري بعد عمري ظروف الوقت تضحك لي
هموم الروح أنساها مع الآهات والحرمان
تعال أرجوك همس الشوق فيني يعشقك خلي
ويعزفني لحن صوتك مع الاوزان والألحان
تجسد داخلي حبك وبعضي يسأله كلي
عن اللي كان والأزمان عن ماضي الهوى الهيمان
أحسك في ضميري كون أحسك شمسي وظلي
أضمك أستبيحك لين يسرقني هوى التحنان