الندى
الحب جنه يا بعد قلب مغليك
وانت الذي به هاجس القلب مشغول
في صوتي العالي هيامي يناديك
فيك الجمال اللي به القلب مذهول
أهديت لك كل الورق بين أياديك
ليتي أكون فـ عالمك دوم مقبول
شوف انتظاري يسألك له ما جيت
ليه الوصل ما بيننا صار مجهول
معقول تنسى حبنا أو تناسيت
وسألت نفسي جاوبت غير معقول
عن زحمة العالم بحبك تعاليت
خايف عذول الحب والقيل والقول
صديت عنّي بالتجافي تماديت
وانت الوحيد اللي عن الجرح مسؤول
