عبدالله هضيبان العوفي
لاجيت أباخذ لي من السوق مقضاه
أنـسى وش اللي باخذه من مقاضي
يـسج عـقلي عـن لـزومي وأنـا أبـغاه
وقـمت أتـذكر وأنـقل الكيس فاضي
الـسوق زحـمه والـبلا الـقلب نـسّاه
شــي تـقـول يـحـضني مـنـه لاضـي
لـيـن أكــدت عـيـني لـقـلبي وشـقّـاه
شــي يـتـلّه وأنـتـهض لــه وهـاضـي
خـشفٍ عـرض لي له تخاتيل ممشاه
كـنـه صـغـير وتــو عـظمه غـضاضي
قـلـيل مــن مـثـله مــع الـناس تـلقاه
حـتـى ولــو لـفـيت سـبـع الأراضــي
حـلـو الـوصـوف الـكاملات الـمسماه
الـلـي مــع الـعـربان حـاضر ومـاضي
عـوده دقـاق وراوي عـذوب مـسقاه
حـالـي قـراحـه مـاخلطه الـحماضي
رقـــاق جــلـد وكـلـه الــذوق غـطـاه
وخــده كـمـا مــزن بـروقـه تـنـاضي
حـسن الـجمال بـسود رمشه وعيناه
وعـنقه زمـى فوق المتون العراضي
حــط الـعـذاب بـجـاش نـفسٍ تـمناه
لـيـته عـطـاها مــن عـيـونه تـراضي
لكنه قــفّـى ومــنـه قـلـبـي تـقـفّاه
رمـيـة غــرام وعـقـبت بـه شـواضي
وشـلون أسـلي خاطري عنه وانساه
وانـا بأرض الـشوق حـالي رضاضي
عـقبه تركت السوق من دون مشهاه
مـعـاد لــي بـالسوق شـف ومـقاضي
التعليقات 1
1 ping
ابو هيثم
01/07/2017 في 2:11 ص[3] رابط التعليق
صح لسانك يابو باسل