يحيى خبراني 

د.عبدالرحمن السعيد

غصبٍ عليّ ماعاد عندي سوالف
عندي بقايا جرح من حب مخلوق

أتمتم الآهات فيني وحالف
ماأنطق الشكوى ولا يدمع الموق

ماراق بالي من فراق الموالف
ومازار جفني نوم من أنة الشوق

على العنا وعلى التعب صرت والف
من كثر مافيني من ألآم وحروق

بأصبر على اللي ضامني .. مايخالف
ماراق لي دمعٍ ولا صابني عوق

في داخلي ضيقه ومظهر مخالف
مثل الجبل عالي كذا هامته فوق

ماقد سمعت بسابق العمر سالف
إن كل مطرودٍ مع الوقت ملحوق

هذا أنا أطرد سراب السوالف
ولحقت باقي جرح من حب مخلوق