والتقينا على الميعاد لكن
قالت أنا جيت أبودعك وأرحل
ترى ما تدري عندي
ظروف.
ومزق صوري وبعض من أشيائي
واترك بعض الرسائل
واخفيها ما بين
الظروف.
واجمع الورود وعطور عبقها فاح
وبقايا من هدايا
واحزمها فوق
الرفوف.
ولا تظن إني أبنسى ليالي
همست لي فيها وقلت أحبك
ووصفتني بأروع
حروف.
ولا لحظات
حسيت فيها إني نسمة طايرة
مع الريح
الهفوف.
ونظرات عيون
وصدق مشاعر
ولمسات
الكفوف.
آه لو تدري ويش كثر أغليتك
وحلفت ما أسيبك
ولو يجرحوني
بالسيوف.
ويا مهجة الروح دايم أشوفك بأحلامي
تاخذني نمشي بين أشجار الروابي
ونسمع تغريد الطيور ودقات
الدفوف.
ولكن الزمن عيا نلتقي
وتركنا في حيرة
وأشجان
وخوف.
والقدر أجبرنا نفترق
وعيوننا ما تلتقي
وبعضنا ما
نشوف.
