عبدالرحمن السعيد  

عبدالرحمن السعيد

بديت أجمع شتاتي من أيديهم
وعكازي بقايا حلم بأيامي

مضى وقتٍ خذوا قلبي يسليهم
تسلّوا حتى بطموحي وأحلامي

كذا فجأه تغيّر كل مافيهم
مشاعرهم وزيف الصدق قدامي

سقى الله يوم أنا بالدمع أرويهم
سهر جفني وجفنٍ ظالمٍ نامي

يعيش الضيم في قلبي وأفديهم
وأنا قلبي بسبايب هجرهم دامي

أنا آسف ياقلبٍ من حواليهم
يحاوطهم وعاش بجرحهم سامي

تنهّادي مآسي حين تطريهم
وألآمي وإش أحكي لك عن ألآمي

تحس الروح تنزفهم وتدميهم
رغم قرب الغدير تشوفني ظامي

أنا نور الأمل بعيون ماضيهم
وصفحه من الألم بعيون أقلامي

رغم ماصابني منهم أحاتيهم
أداري وأدري إنهم سبّة إعدامي

جمعت اللي بقى مني بأياديهم
ولا تسقط ولا تتكسر أعلامي