ياطير وصل سلامي
للي خذا قلبي
وراح
وخلاني.
وتركني وحيد بدنيتي
عايش غريب
وغرقان في
أحزاني.
واللي وعدني إنه في يوم بيعود
وما صدق في عهده
ورجع
ووفاني.
واللي أنا مشتاق له
وأوله عليه وميت فيه
وبحبه
رماني.
وبلغه يا طير أنا بعدي بخير
مازلت أحبه
بس الشوق
ضناني.
وخبره إني بالحيل ولهان
ومغرم فيه
ياترى بعده يذكرني ولا
نساني.
واسأله عن أحواله
وهل ما زال يشتاق لعيوني
ولا في بعدي
قساني.
وأحكي له عن أحوالي
وكيف أنا دايم أتخيله
وأحسب الوقت متى يرجع بالدقايق
والثواني.
واحترت أواسي القلب على غيابه
وهدني طول الإنتظار
وأصبر النفس وأخفي
أشجاني.
وما قدرت أنسى سحر نظراته
وغمزة خدوده وأحلى تفاصيله
ولا قدرت أنسى
زماني.
وما عاد لي بها الدنيا غيره حبيب
يؤانس وحدتي
ويطفي لهيب الفراق ويحرك
وجداني.
ومن غاب غابت معاه ليالي الفرح
وانفطر قلبي عليه وانجرح
وصاح الحنين في صدري
وأبكاني.
واحتبس الدمع في مقلتي
وانكسر عودي وانطفت شمعتي
واختل نبضي واحترق دمي
وشرياني.
