عبدالله البطيّان
عبدالله البطيّان
ما عــاد بالدنيــا أخــوة ولا شـــي
والصحبه اللي تلزمك هي تخونك
كــم واحـــدٍ فيـنا توفى وهو حي
وكــم خاين ٍ يسرح وكنه يصونك
الوعــد منكـــوث وبقــاياه في زي
يلبـــس وهو عــاري عليه وبدونك
مــاكن في كلمــة ولا كن في ضـي
لاح العهد عنــدك وخلفك طعـونك
كلٍ بنفــسه فَــكّر وعـــاش مقــفي
لاتجمعه عصــبه ولا يــحتـمونــك
والله أمـــر باللــمه اللي بــهـــا ذي
حبل اعتصام وكيف هم يفرقونك
لكــن أكيــد المؤمــن يــمر به غـي
ورشــده يعـيده للصواب وظنونك
لابد تحـسنها وتعـطي الأمـل شي
يمكن يعود الخير واهلك يجونك
١٢ شوال ١٤٣٩هـ
٢٦ يونيو ٢٠١٨م
