عبدالرحمن السعيد
عبدالرحمن السعيد
نفسي اصرّح للبشر عن هوانا
واكتب قصيدة عشق فيها الاسامي
وأرسم لهم لوحة غرام أحتوانا
وصورتك تحكي عن بداية هيامي
ونسطّر إحروف الولى من غلانا
واخذك لين آخر حدود لغرامي
ونسافر بدنيا العشق في سمانا
وتتبسم القمرا وتكسر ظلامي
ونسقي ثغور الحب صافي حلانا
ويموت طاري الضيم وإشعور ظامي
ونعيش باقي عمرنا في ولانا
نخلص ونوفي لين يوم الحيامي
ياشمعة الجلاس شوفي كلانا
نولي بعضنا الحب والاهتمامي
ونحس مابالكون أحدٍ سوانا
مع فائق التقدير والإحترامي
للي يظن انه وصل لى هوانا
واللي يبي يعرف واش انهي الاسامي
