احمد بن فهد  

احمد بن فهد

كم طالت الغيبه وفكري حاير
وفيض المشاعر وافرٍ في سدي

والفكر هايم في هواه وطاير
وقف يناظرني وهو متحدّي

يدّه على خصره ودمه فاير
وهو على حده وانا في حدّي

الرمش ودّه بالغزو ويخاير
ما كان ذا ودّه ولا ذا ودّي

متبختر الوقفه وطبعه غاير
والوصف لا يحصى ولا ينعدّي

اشهر سيوف الرمش واصبح ثاير
والورد من يمناي له ينمدّي

جنيت من ارضه حصادٍ باير
نتيجة الجهد الجروح بيدّي

ما به غرابه في زمانٍ داير
يمكن عديل الروح يصبح ندّي

دامه عنيدٍ ف الهوى وامغاير
اخترت اخاوي البعد واعلن صدّي

انا تركته للظروف ايساير
في معمعة ظرف الندم ينحدّي

اذكرِ معاناته شهر فبراير
يتبع ورى جزري ويطلب مدّي

جاني بحكم الوضع ما جا زاير
قد كان في وضع الرخا هو ضدّي

اقبل غريبه في زمانٍ جاير
غنيت باعلا صوت من هو قدّي

حاله تغير ش السبب وش صاير
يكشف ظروفه وضعه المتردّي