لاتظن العمر يستاهل يضيع
لاجل شخصٍ ماتهمه راحتك
العمر رحلة أمل عمر الربيع
فرحها قصة عشق اجتاحتك
لاتكدر خاطرك خله وسيع
الورود أستعطرتك وفاحتك
الغلا في مرحلة عمر الرضيع
سكّنك بالقلب وأصبح ساحتك
مالكٍ إحساسي وذوقك رفيع
ذوّق أحلامي طعم تفاحتك
إيه أبسرف حب قد ماأستطيع
لين مايستوفي قلبي حاجتك
أنت سر العمر لا يمكن يذيع
والدموع الفاضحه ماباحتك
الله اللي أحسن الخلق البديع
والعيون اللي تشوفك صاحتك
حبنا مثل السلام اللي يشيع
بين كل الناس ليمن شافتك
أنت عمري في غرامك مايضيع
والمُنى إني أحقق راحتك
