احمد بن فهد
يا خوي العمر يا اعظم صديق
يا صديق الروح يا اعظم صدوق
ايه حبّي لك هو البحر العميق
تشهد النبضات لنّك فالعروق
يا خليلي قول من غيري شقيق
ما احد غيرك على حبّي يفوق
انت ثروه وانت لي كنزٍ عتيق
ما ابيعه كم حفظته من سروق
انت في فكري وترحال الطريق
دوم افكر فيك ما شيٍّ يعوق
سبة اشواقي لبعدك ما اطيق
المشاعر من غيابك ما تروق
انت نورٍ في حياتي له بريق
في خيالي لك رعود ولك بروق
من سنين العمر تاريخك عريق
شبت اضلوعي لهب جيت امخنوق
في بحر عطفك يسموني غريق
اذكرك يوم المشاعر جتك سوق
مدّ لي وصلك و لو حبلك رقيق
بفتله ما بين فكري والخفوق
وعلّق بصدري همومك لو تعيق
اترك اهمومك ترى صدري يتوق
هاك صدري درعٍ ال مثلك يليق
ما اهاب الهم لو سبّب حروق
وان سمعت لزفرة انفاسي شهيق
كان هذا اصغر اجزاء الحقوق
اذكر الماضي بهونك يالرفيق
طايرين وحلمنا يملاه شوق
نجمع البرْجون واحجار العقيق
كلها تنباع لك في وسط سوق
تحلم ب دراجة ترقى طويق
لانكتب حلمك ولا برّكت نوق
كم خلطنا البحر الاحمر بالدقيق
كم حبسنا رجعة الشاطي بطوق
من فعايلنا ضمينا نشف ريق
نبني اطموح البراءه كان فوق
وانهمر بعضه من اسباب المضيق
المضيق العمر من مرّه نذوق
طيرنا اللي قد حبسنا هو طليق
وحلمنا اللي قد اسرناه امعتوق
اذكر الماضي إذا ذقت الرحيق
بذكر الذكرى معك وقت الشروق
احمد بن فهد
@ahmad_fahad_27
