عبدالرحمن السعيد
عبدالرحمن السعيد
اسأليني كيف حالي في غيابك
وتكتفي عيني على رد السؤال
عاشقك في غيبتك يصبح مصابك
مايكفكف عبرته غير الوصال
قلب حبك لازم إيعايش عذابك
ويحتوي حزنك ولو كُبر الجبال
السمو اللي تعلّق في جنابك
يرسمك غيمه وينثرني زلال
وتنهليني عشق واستمتع شرابك
يانهايات العشق وآخر مآل
عطري اللي عابقٍ داخل ثيابك
وسالفة ثغرك وبسمات الدلال
وشعرِي اللي ناقشنّه في كتابك
والمحبه وحسن وجهك والخصال
والتحايا والسلام اللي أنكسى بك
والغزل والغنج وشعور الجمال
كلها تسجد على صفحة عتابك
وتسألك بالله يابنت الحلال
لايطوّل يابعد روحي غيابك
أستحق البِرّ منّك والوصال
