موسى بن محيا
اغرف من إبحور الجزل (واتمنّاك)
واقدح من الصلف الحجر والجبالي
ياهاجسي افزع ترى الصقر ملفاك
(اصخر بيوت الشعر فوق الجزالي
(سلام يا اميرٍ سعدنا برؤياك)
بدر ابن سلطان ياراس مالي
سلام تسليمٍ يخصك (وينصاك)
وسلاماً يعمّ الثقات من الرجالي
الطيب خيلك يعسف الطيب مسعاك
واصبحت للجزلات مضرب مثالي
جودك عجز يلحق لسرعة عطاياك
اتقول سبعٍ هج منه الغزالي
اكبس على الدنيا سخياتٍ ايداك
مافيه غيرك ياكريم السبالي
يمناه تعطي ماحسب مد يمناك
غير الكريم اللي على العرش عالي
مرحوم رجلٍ باحسن الاسم سماك
اسماٍ شلع بالجود سود الليالي
النور يابدر الكرم في محياك
والشمس تشرق فوق فعلك مثالي
وارض الحرم استبشرت عند مبداك
نورك سطع فوق النجوم العوالي
لانك ولد سلطان والخير يمناك
صدر الربيع اللي سحابه شمالي
يابن الكريم اللي نشوفه بملفاك
وأخذت من سلطان طيب الفعالي
المدح يعجزّ ماتمثني حلاياك
ولايقدر يغطي صفات الهلالي
ياامير فالاصلاح والخير شفناك
والناس تشهد في جميع الحوالي
يااميرنا المحبوب بالروح نفداك
وأوصي على خدمتك اطيب عيالي
نغليك يابدر الوفى قبل نلقاك
وابوي قبلي من رجال الغوالي
اصقور فالمشراف تصقل مزاياك
صقر الجزيره غالي وابوك غالي
سلطان ماغيره على الدين رباك
ياطيب تربيته مربي الرجالي
ارفع يديّه عقب ماترفع ايداك
والشعب كله يجهر الصوت عالي
يالله تكرم راعي الخير برضاك
تكرم ابوخالد بمنزال عالي
في جنة الفردوس وفالخلد ولداك
وفي جنة الفردوس فأعلى العلالي
تمد بقوالك وتعطي بيمناك
ومطلوبنا التعليم أهو راس مالي
أمدحك فاهم وأجزل العلم قدجاك
والليا سمح خاطرك الخير فالي
سلام ياميرٍ عل الخير ممشاك
مطلوبنا التعليم اهو شف بالي
ما املك الا الشعر والشعر ينخاك
افزع لنا ياعزوتي ضاق حالي
والنور في وجهك وعلى محياك
والله يوفكم ويقبل سؤالي
وبنظرتك يامير والذئب يبراك
اشارتك تنفذت فالحوالي
الجوف مكلومه ومكه تنصاك
يالبدر ياللي في سما المجد عالي
وصلات ربي عد من جاك ينخاك
على محمد من عزيز الجلالي
ابن محيا شاعرالشرق العربي
