عبدالرحمن السعيد
عبدالرحمن السعيد
رشة عطر كنها تناديك وتقول
أشتقت لأنفاس الصباح بوجودك
أجمل صباح الخير والورد محمول
بين النوايا البيض قبّل خدودك
يامنبع الإحساس ياغنج عطبول
العطر بالدنيا من أطراف عودك
حلمٍ بدا مع طلعة النور مأمول
يستنشقك بسمه ويسقي ورودك
ياليلكيّة عطر والثغر معسول
اروكيدةٍ تنبت بمفرق نهودك
انتي بعيني شي ماهو بمعقول
ياذابحتني والحنايا شهودك
ثاير عشق مشتاق ع الحب مجبول
ونظرات عينك من محاجر قيودك
بالله علمني من الحين مسؤول
لاصار قلبي واحدٍ من جنودك
نبضي وهو نبضي يتمتم على طول
بإسمك وهو عايش على أسمى وعودك
حتى العطر يتنفسك دوم ويقول
الله يهنّي دنيتي في وجودك
