عبدالرحمن السعيد
عبدالرحمن السعيد
طفله كبيره عايشه بين الأضلاع
كل مااكبرت يكبر بقلبي غلاها
هي راحة ايامي من ألآم وأوجاع
وكل زينة الدنيا تغازل حلاها
أستمتع اللحظه معاها تمتّاع
وتضوي الليالي من بقايا سناها
أحسها تمشي بعيده عن القاع
وأشوفها نجمه تجمّل سماها
في ذمتي العشق فيها فلا ضاع
هي مغنيتني في الهوى عن سواها
تربعت من فوق قلبي تربّاع
حتى الثرّيا تستحي من ثراها
زاد الغلا والشوق لا حد الإشباع
سبحان من هو بالمحبه كساها
بإسلوبها تاصل الى سقف الإقناع
سبحان ربي من جنانه عطاها
كلماتها كنها ترانيم وابداع
وبسماتها ورد الحدايق زهاها
عاشت وسط قلبٍ متيم وملتاع
وذابت ضلوع الصدر يوم احتواها
القلب من ربي على الحب منصاع
ويهيم نبض الحب وأنا معاها
بتعيش فيني طفلةٍ بين الأضلاع
وأموت اتنفس بروحي غلاها
