تـــذكرتك وأنا ناســــي جــــراحــي
ذكــــرت جـروح في جوفي قديمه
لقـــيتك يابـــعد روحـــي قـــراحي
ودوى المــجروح وجـــروحه سقيمه
نثـــرتك فـــي وجــه طالب سماحي
جــمعــتك نــور بيـــدينٍ رحـيمه
طلــــبتك لاتـــكسـّــر لي رمــــاحي
ورجيــتك شـمع فــي ليله عتيمه
أبــي تــرسم ببـــسمــتك إرتيـاحي
وأبـي أستــاذنك فـــرحه يتـــيمه
رغم حزني بقى أبيض وشاحي
وقلبــي قاع والأحــزان ديمـه
أمـــانه ياحـــزن أطــلق ســـــراحي
وخلـــني في خـــيالاتي القــديـمه
ســـرقت الفــرح في عز إنـشراحي
وصــارت فرحتــي ذكـرى أليــمه
الـــين أستــضيقك واســــع براحي
بدت تكسي ملامحك الهزيمه
إذا تســــتطربك نـــغمــة نــياحـي
تــرى بأصـبر وأنا نفسي حليمه
وإذا أنت تشوفني خافض جناحي
ترى من شان باقي لك حشيمه
وإذا مافادتك عــــشــرة صــياحي
ترى ياحــزن عـقباها وخــيمه
ترى ياحــــزن ماتعرف ســلاحي
سلاحي طيبه وعزه وشيمه
فلو تسمح لي أنصت لإقتراحي
أنا صبـــري جــبل ماهو بغيمه
مدام إن الولي يشفي جــراحي
فـــماعد ياحــزن لك أي قيمه
التعليقات 1
1 ping
غزيل
18/04/2016 في 11:13 م[3] رابط التعليق
??????