احمد حلواني
النوم عيا لايجيني ولا اجيه
جمر الفراق وفرقة الأم نيران
ريحانك اللي يااعذب الناس نسقيه
لا عاد له معنى ولا عاد ريحان
من يوم ماغبتي وحنا نواسيه
عيا يخضر وايبست كل الاغصان
والبيت أظلم شوق غايب يقاسيه
عز الله إن البيت مهدوم الاركان
صوتك أبد ماراح عني أناجيه
عيا يرد وخافقي بات سهران
من لي بعد فرقاك غالي أعزيه
ومن لي بعد فرقاك اهديه الاوزان
صوتك يناديني وانا كيف اناديه
في كل وقت وهاتفي منك رنان
تعال حلل سكري شوف واش فيه
اضرب لي الابره ترى وقتها حان
امسك على قلبي دخيلك وناجيه
قله ترفق بالحبيبه على شان
تركع لربي أو تسبح وتدعيه
حسن الختام وآخر العمر رضوان
عودت قلبي ضمتك كيف اراضيه
قلبي ليا عنك سأل كيف ماكان
أرد كيف ودمع عيني مشاليه
فوق الخدود وصمتي المر برهان
أقبل يدينك ورجليك وافديه
راسن ابد ماقد شكى ظلم انسان
يسامحك ياقلب عذبت راعيه
ويسامحك ترمي فؤادي للاحزان
ياقلب عيني نورها كيف تطفيه
مايحتمل صبري ولا الهم ( ورقان )
ويسامحك ياقبر من جاك أغليه
هون وخلي ضمتك طيب واحسان
لاعاد لا بسمه ولاصوت أرجيه
عيا المكان ولا معي فيه سكان
باصبر على من كان بالظلم يرويه
وباحلم على أهلٍ وناسٍ وجيران
باصبر على قلبٍ تعب من محبيه
وباصبر على جمرالمرض وين ماكان
في مسبحتك الذكر يطوي لياليه
وسجادتك تسأل على عز إنسان
حتى الوساده تنعي الراس وتبيه
يا( نور ) وينك وينها ذيك الازمان
وين العزيزه الغاليه ودعت ليه
قلت الفراق وقدر الله ماكان
اسمك ليا جابوا لي الناس طاريه
أقول راح اللي له القدر والشان
والله فقدنا الطيب واللي تراعيه
نبع الحنان ومن لها الخير عنوان
ما عاد لك ياقلب سالي يسليه
ماغير دمعن ساكبٍ فوق الاوجان
يااغلى الغلا عندي عسى الله يعطيه
ماتشتهيه النفس من كل بستان
لك رب أرحم من بشر والرجا فيه
ينزل على قبرك من القطر هتان
يارب تجعل قبرها روضةٍ فيه
وفي جنة الفردوس منزل وتيجان
والجار( أحمد )من رضي عنه باريه
وانهار تجري تحتها مد الاعيان
عبدك رجاك ومد يدعي أياديه
يارب تشملها بعفوٍ وغفران
شعر
أحمد محمد حلواني القنفدة
البندر – غادة الساحل الغربي.
التعليقات 1
1 ping
سالم غندوره
26/01/2020 في 4:45 م[3] رابط التعليق
كلمات من القلب