عبدالرحمن السعيد
عبدالرحمن السعيد
النخله اللي شامخه بين سيفين
في راية التوحيد ربي حماها
تبقى عزيزه رغم كل الحقودين
نرفع علمها عاليٍ في سماها
راية شرف رفرافةٍ في الميادين
معنى شموخ الذات في محتواها
من عزّها مطبوعةٍ داخل العين
في كل أرضٍ بارقٍ من سناها
مثل السهم بقلوب كل المعادين
ومثل الفرج بعيون من هو نخاها
مهما بذلنا لاجلها ماقضى الدين
وأروحنا ترخص لها من عُلاها
ديرة فخر ديرة ذخر ياحسودين
ديرة رخا وديرة سخا لمن لفاها
تكرِم مواطنها بجميع الأراضين
وعيالها درعٍ لها في بلاها
تخدم ضيوف الله زوّار بيتين
وتجزل بإذن ربي بمدة سخاها
