أسعد الفيفي
يا سيدي سلام من صدق هوجاس
الدين ساسه.. والولا منهج له
مرسول لك يا طيب الأصل والساس
يا ابن الملوك اللي كرمهم جبله
أمير جازان الإبا تشهد الناس
أنه على جازان شمس مطله
بن ناصر محمد ويزهاه نوماس
نعمٍ وسبعَ أنعام والله وبالله
يا سيدي.. والشعر ماثل على اساس
يُهديك قافٍ ذكرك بمستهله
قافٍ يمثل ناس ترفع بك الراس
تاخذ بتوجيهك وقولك تشله
قبايلٍ للحد تثبت بمتراس
في طاعة ابن سعود درب تدله
يا سيدي.. والشعر مجموعة احساس
يا سيدي..والشاعر احساس كله
ولنا طلب ماهي بتحصره الاقواس
باسوق لك علمه..بدقه وجله
ترفع سلام الود مع كل نسناس
الى الملك سلمان .. ويدوم ظله
مدحه على الامداح من غير مقياس
والجود من كفيه وبلٍ يهله
الله يديمه للوطن كالجبل راسٍ
حاكم بخير أحكام وبخير مله
وأيضا ولي العهد للمجد لبّاس
عزمٍ يفوق طويق والعون بالله
أفضل قيادة وانخنس كل وسواس
وأكرم أيادي والحقايق أدله
الكون يشهد يوم عمّ البشر باس
أن الحكم لآل السعود الله الله
شفنا القياصر طوقت سير الانفاس
على رعاياها وعجزت تحله
تروى حناجرها ولاشعوب يبّاس
الا السعودي رايته مسفهله
في حكم من هو للصعيبات دواس
سلمان سيف الحق لا قيل من له؟
سلمان له في قمة المجد مجلاس
الله يديمه حاكم بخير مله
والله يكفي دارنا الشر والباس
ثم السلام الصادق ورحمة الله
