عرض الإعلامي أحمد موسى، فيديو تم تداوله لإطلاق نار كثيف وانفجارات في الوكرة، وعلق على الفيديو قائلا: “الفيديو ده نشره القطريين على تويتر وطلع تريند باسم الانقلاب في قطر، وهو هاشتاج شغال من امبارح لحد النهاردة، تويتات القطريين بتقول أن الإعلام التركي والصحف التركية هي اللي اتكلمت عن الانقلاب في قطر، وهي اللي نشرت التفاصيل كاملة بكل اللي حصل”.
وأضاف الإعلامي أحمد موسى ببرنامج “على مسؤوليتي” الذي يذاع على قناة “صدى البلد”: “تويتات القطريين بتقول أن كان في طيارات وأصوات انفجارات، وده واحد من سكان منطقة الوكرة وشاهد عيان على اللي حصل، الناس في قطر بتتساءل عن اللي بيحصل في قطر، أصوات الانفجارات كانت مفزعة ومرعبة بالنسبة للناس، وقالوا أن بيوتهم اهتزت من أصوات الطائرات والانفجارات، وفي ناس بتقول أن في انقلاب على تميم”.
وقال أحمد موسى: “في ناس تانية بتقول أن تركيا تحتل قطر، وهي المسئولة عن الانفجارات اللي حصلت في الوكرة، أنا بوصلكوا اللي القطريين نفسهم بيقولوه، تقريبا كل التويتات بتقول أن في انقلاب على تميم، وأن الصراع على أشده في قطر دلوقتي على الاستيلاء على الحكم، وتم رصد حركة طائرات حربية تجوب أجواء الدوحة وقطر
