عائشة المغفوري
امرك مطاع وكل ما تطلب فداك
وعيني وقلبي كلها فداك يمه
دمعت عيونك حركت قلبٍ اغلاك
وهزت كيان اللي فقد منك ضمه
والله يااغلى الناس روحي بلياك
كنها سجينٍ عايشٍ وسط همه
ودي بشوفك يابعد من تمناَك
وعطر حنانك ودي اليووم اشمه
الحظر طول يا عسى مافقد اخطاك
وكارونا موت وكلنا نخاف سمه
والله لو بيدي انا اليوم واياك
ياليت الاسره حول زولك في لمه
الشوق حارقني عسى العمر يفداك
يافرحتي ويا مصدر الحب يمه
من اجل السيطره عسى الرب يحماك
حتى الكبار اللي على روس قمه
خافوا من الوباء ولاهوب يخفاك
وضعٍ تجاوز واعلنوا فيه الامه
وضع الخطر يحتاج نظرات الادراك
وانا عيوني يمه شافت مطمه
واذني وصلها علم هذا وهاذاك
من ناس فيهم الوباء صار غمه
اللي منوم واللي اهلكهم اهلاك
وانتِ على روحي امانه وذمه
ارفع ايديني وادعي الرب يحماك
والروح ميناء فيها مرساك يمه