موسى بن محيا العتيبي
اغرف من ابحور الجزل واتنصاك
واقدح من الصلف الحجر والجبالي
ياهاجسي افزع ترى الصقر ملفاك
اصخر بيوت الشعر فوق الجزالي
خالي النبي خالك والخير مسعاك
ياعين خاله يابعد كل غالي
مبروك يا اميرٍ تمنيت رؤياك
محمد زبون المجد ياراس مالي
سلام تسليماً يخصك وينصاك
وسلامٍ إيعم الثقات الرجالي
الطيب خيلك يعسف الطيب مسعاك
وأصبحت للجزلات مضرب مثالي
جودك عجز يلحق لسرعة عطاياك
اتقول سبعٍ هج منه الغزالي
(اكبس على الدنيا سخياتً ايداك.
مافيه غيرك ياكريم السبالي)
(يمناه تعطي ماحسب مد يمناك
غير الكريم اللي على العرش عالي)
مرحوم رجلاً باحسن الاسم سماك
اسمٍ شلع بالجود سود الليالي
النور يامحمد سطع في محياك
والشمس تشرق فوق فعلك مثالي
والعاصمة استبشرت عند مبداك
نورك سطع فوق النجوم العوالي
لانك كريم الطبع والخير يمناك
صدر الربيع اللي سحابه شمالي
يابن الكريم اللي نشوفه برؤياك
وأخذت من ابوك طيب الفعالي
المدح يعجزّ ماتمثني حلاياك
ولايقدر إيغطي صفات الهلالي
ياامير فالاصلاح والخير شفناك
والناس تشهد في جميع الحوالي
يااميرنا نغليك من قبل نلقاك
وابوي قبلي من رجال الغوالي)
اصقور فالمشراف تصقل مزاياك.
صقر الجزيره غالي وابوك غالي
ابوك ماغيره على الدين رباك
ياطيب تربيته بحسن المقالي
أمدحك فاهم وأجزل القاف قدجاك
والليا سمح خاطرك الخير فالي
والنور في وجهك وعلى محياك
والله يوفقكم ويقبل سؤالي
ما املك الا الشعر والشعر ينخاك
يااميرنا المطنوخ رجل الفعالي
يااميرنا المحبوب بالروح نفداك
واوصي على خدمتك أطيب اعيالي
وبنظرتك ياامير والذئب يبراك
اشارتك تنفذت فالحوالي
وصلاة ربي عد من جاك ينخاك
على محمد من عزيز الجلالي
