منى السفياني
عاد عيدك يابلادي ودار المسلمين
عاد عيد الحسم والحزم وشعور السلام
الشعب في ظل قايد بحكمه راضيين
نحمي إحدود البلد..نخدم البيت الحرام
في وطن غالي علينا نعيش مسالمين
كلنا في صف واحد محبه واحترام
كل عامٍ وانت في حفظ رب العالمين
ياوطنّا ياتراب المجد من عهد الإمام
حاميينك من عدانا وحنّا معاهدين
حاميينك بإذن ربي ولا فيها كلام
نفدي إتراب الوطن عهد دنيا وعهد دين
كل روحٍ لاجل أرضك تقدم للحيام
ياملكنا ياحكيم العرب في كل حين
رافعٍ سهم المواطن على روس الأنام
صامدينٍ للعدو ياملكنا صامدين
شعبك اللي تحت أمرك ولا يخشى الملام
راية التوحيد فوق الحسد والحاسدين
سيفٍ أملح للعدا وللأخو حب ووئام
يامحمد ياكريم العطا وطلق اليدين
ياسليلٍ للفخر ياثقيلٍ للمهام
قايد الرؤيه وفارس وحزام وفطين
وحّد التاريخ جدّك وعشنا بإنسجام
وانت جددت المعالم بعين الحاقدين
ياطويق العز ياشهم ياذروة سنام
همتك تاصل إلى آخر ققم للحالمين
ابتسم وجه الوطن معك والخطوه أمام
انت مثل الخير لاجا عقب عجف السنين
ياجعل عمرك طويل وذخر يانسل العظام
وعاد عيدك ياوطنّا ودار المسلمين
وعاد عيدك يامكلنا على حب وسلام