كتبتلي ي هاجسي عشرة ابيات
ويمكن تزود من البيوت الجزيلات
في موقف(ن) مهوب محصور للذات
هو موقف(ن) لعموم كل القبايل
عن دولتي وقفّت ميقاف موات
عن دولة(ن) موطانها بالمخايل
اسم السعودي فوق بل فوق فأوقات
وفأوقات فوق الفوق طيب الفعايل
اليا انتهض فزاع بالعزم ما مات
واليا انتخابه شخص شفت الهوايل
وي اليا تبي منّا علوم(ن) ليا جات
صك السيوف المرهفات الصقايل
تلقى لنا في قمة المجد ضربات
و تلقى لنا ضربة على كل عايل
حنا هل التوحيد من ماضي(ن) فات
وحنا هل الصمله عيال الحمايل
دستورنا دستور رب السموات
ما نرتضي دونه بكل البدايل
وحكامنا شيوخ(ن) رجال المهمات
سلمان ثم عنّز عشيق الطوايل
محمد المده كثير العطيات
نسل الصقر نايف نصير الذلايل
ومحمد السلمان سم العدوات
لا قام في فزعة تراها سهايل
واكبر دليل الحزم ب اسم المغيرات
وسّم عليها النصر شوف الدلايل
وزير جيشٍ لا ضرب شفت ونّات
في قلب من عاداه من كل صايل
وحنا ترانا شعب واحد و فدوات
لجل الوطن و الدين نعمل عمايل
وحنا جنون الارض مابه مراوات
للي يعادينا نشب الفتايل
وحنا سلامٍ خير كل العلامات
للناس وان كثرت تراها قلايل
وختامها مني صلاة و تحيات
على نبي(ن) سيرته لي مثايل