محمود الصبحي
مدري متى الملتاع يطرح سؤاله
على الظروف القاسيه والمسافات
بينه وبين الوِرد دلو ومحاله
ودروب وعره كلها هم وشتات
إن ما وقف محتار داله ف حاله
وش السواة اللي تقص الغيابات
سنين ما غاب الرواء عن خياله
والوقت عيّا يطوي البعد ب الذات
كل ما قرب حبل الرشا من حباله
مالت عليه الساقيه ب المطمات
تبني حواجز عاليه عن وصاله
وتفرض رسوم وجمركه للمسرات
واللي رمى باقي العمر فوق جاله
بعد انتظر عينه على شربة فرات
حتى عصير الوقت يرخي ظلاله
وراعي السفر ينزل على الدرب ويبات
يبل جوف من الضما ما صفاله
غير الأماني الزايفه والمعاناة
لو حالة الفرصه عليه استحاله
يرضا ولا يقطع رجاء ف العلاقات
لكن على حسب الصبر واحتماله
والخاطر المكسور في كل الأوقات
إن ما قدر ياخذ هواه ب سهاله
يلحق مداه ولا يمرّ المتاهات
عند السؤال اللي فلت من عقاله
يموت ما يلقى عليه الاجابات