جيتك عتب ماجيتك إطعون وجروح
وقالوا العتب في القلب قدر ومحبه
ماني من اللي يقطف الورد ويروح
ولا من اللي يكون للجرح سبه
أنا وهبتك بالهوى القلب والروح
وانا الجريح اللي بدالك بطبه
عمر العشق ماكان ياعمري إمزوح
وعمر البحر ماكان من دون غبه
ماقلت لك دمع الالم دوم مفضوح
لاتنشد إعيونٍ عن اللي تكبه
العين تعشق عين من غير مصلوح
والقلب يهوى قلب دون ايتنبه
أدري بأنك حب مكتوب في اللوح
وتدري بأنك عشق قلبي وحبه
وتدري بأني عاشقك صدق ووضوح
عاشق وإحساسه مايومٍ كذبّه
إن غبت عن عيني مجمّل ومسموح
وإن جيتني زاد القدر والمحبه