باب الموده

مشعل العليان

مشعل العليان

والله ماتاخذ معي وقـت كم بيت
دايم عجل واكثر قصيدي بسرعه

لا مرنـي مطلع على طول غنيت
كنه دوا يعطـي من الشعر جرعه

ان كان عن بعض البشر يـوم صديت
كني اطق ل بعض الاجناس قرعه

فيها اتفاق ان الحكي داخل البيت
وخارج نطاق البيت ممنوع زرعه

قدّامنا يا احباب ل الشين ديليت
ان ما رعيت النفـس للزين فـ ارعه

ماعاد تنفـع ودنـا ليت مـع ليـت
قلبـي من الايـام متروس خرعه

يعني ترى وقت الخطـا لا تغاضيت
باب المـوده مطلبـي دوم شرعه

ريح المطر لا ارتحت معها وحنيت
صعبـه علـى قـزّاز وعطور درعـه

نبي نعيش ويمسك الطيب للصيت
والا نمـوت وسبـة المـوت صرعه

يجب أنت تكون مسجل الدخول لتضيف تعليقاً.