عبدالرحمن السعيد
مافيه عيدٍ للوفا ويكرّمون الأوفيا ؟؟
مادام عيد الحب يجمع كل منهم عاشقين
نحتاج في دنيا الولى إقلوب بيض وأنقيا
عشاق هذا الوقت واجد.. بس ماادري وافيين ؟؟
إشعور من يوفي تُصنف ضمن باب الأبريا
فيها صفاء الروح يكسي حزن وآلام وأنين
فيها شموخ العشق يشبه إبتهال الأتقيا
وفيها زهور العمر تنفح عطرها عبر السنين
فيها مشاعر تب تحاربهم عليها الاثريا
من كثر مافيها سعاده وكثر مافيها حنين
بنعيش دنيانا وحن نبراس درب الأوفيا
وعيد الوفا نحييه كل ليله بشعور العاشقين