يوسف الدويحي الزهراني
كنت أحب وصرت أخاف من المحبّة
المحبة موت لاصارت عداوه
سوّ كنّك ماتحب اللي تحبّه
المهم انك تحبّه بالهداوه
كم رحل غالي كذا من دون سبّه
وانتظرت اللين من عقب القساوة
اذكر اني كنت جرحه كنت طبّه
واذكر انه ياخذ احساسي حلاوه
وين اعالج قلبي اللي مالعب به
غير من فكيت له باب الغلاوه
اختصر له بالشبه لاجيت اشبّه
عنفوان الحضر في عمق البداوه
ينسكب من كوب احاسيسي واصبّه
واشربه واحس في جيده رهاوه
من يقول العشق حاله مستتبّه
والله ان الحب يذبحنا سطاوه
يامفارق وانت غبّه بعد غبّه
بحر يستقبل غرقنا بالحفاوه
رغم كل اللي حصل حبيت انبّه
ان جرحك صار له حق السماوه
كلما مر إسمك وحاولت اسبّه
استحيت وقلت داو الجرح داوه
ماكسبت من الهوى وحياة ربّه
غير خمس جروح تتكاتف نداوه
وتسألوني ليه اخاف من المحبّه
هيك مابي الحب يتحول عداوه
التعليقات 3
3 pings
رعدالجنوب ابوخالد
20/05/2022 في 12:09 ص[3] رابط التعليق
صح لسانك يابومحمد قصيده جزله تستحق الاشاده استمر والى الامام ياشاعرنا العضيم
ابو وائل
02/03/2024 في 5:23 م[3] رابط التعليق
صح لسانك يابو يابو محمد ابيات جميله وانت الاجمل .
وتسالوني ليه اخاف من المحبه.
هيك مابى الحب يتحول عداوه.
الله الله ياشيخ ابداع .
محبك ابو وائل.
ابو وائل
02/03/2024 في 9:49 م[3] رابط التعليق
صح لسانك يابو محمد.مبدع ابيات جميله وانت الاجمل.