د.عبدالرحمن السعيد
متاكد إن الحزن يسكن ضلوعي
ومتاكد إن الجرح يلبسني كسى
ماجت معي دنياي لحظه بطوعي
وأقضي حياتي بين ياليت وعسى
الجرح يتكيف معي من طبوعي
قالوا علامك قلت محبوبي قسى
يضحك معي ويموت همي وروعي
يغيب عن عيني وياخوفي نسى
إني الجريح اللي إتناثر دموعي
واللي الحزن من زود حزني احتسى
حزني بحر والجرح إحدى فروعي
وماقد صدف فرحي على جالي رسى
هذيك شعلة حب تشعل شموعي
هذيك فعلاً صدق هي تاج النسا
في بُعدها أهيم ويزيد لوعي
وفي بُعدها تذبل أزاهير المسا
الحين كلي حزن ماهو ضلوعي
الحين جرحي يلبس الدنيا كسى
