شاعر- عبدالرحمن السعيد
ابنتظر وابنتظر وابنتظر والانتظار
يجثي على ركبته ياروحي مع غيبة سموك
كل لحظه تغيبها عن نظرة أعيوني اغار
وكل لحظه يمرني طيفك تزود في علوك
جيت فجأه في حياتي وفجأةٍ الحب صار
يملي انفاسي وروحي ويمتلي بالحب جوك
انت في داخل حشاي ابنٍ يدللني وبار
قبل مااستمطر غلا قلبك سقاني عشق نوك
فلسفة عشق الحياه تكتب لي احساسك وقار
تفرض على قلبي احترامك وانت ماحبيت توك
دارت الدنيا على قلبي قبل شوفك ودار
حظ طايح والا متعكز وسط دربٍ يشوك
داخل احساسه قهر يشعل وسط هالجوف نار
مايطفيها سوى قربي من احضانك وضوك
يادفى كل المشاعر انت ياعشقي نهار
انت ياذابح حزن قلبي فداك العمر لوّك
تمرِح بداخل خفوقي سر عمري او جهار
ماينقّص من غلاك ان غبت وانا في حروك
لان قلبي من عشقتك صار حتى الانتظار
ينتظرني بس اجيه وننتظر حضرة سموك