#الشعر :قل لزمن

قصيده ابدع فيها شاعرنا . التمس فيها النصح والوصف قصيدتنا اليوم :

لشاعر عايد بن فهد العويمري

.
قلّ لزمان اللي سقانا من الضيم
لا بد ماننسى سواياه فينا
.
وقل للفقر ماعاد للمال تحطيم
بالعافيه في هالزمن مغتنينا
.
وقّل للحزن والهم والضيق ماتديم
مادامنا نصلي ترا ماعلينا
.
وقّل للحمول الكايدات الصواريم
اظهورنا لو تنكسر ماشكينا
.
وقلّ للبخيل اللي فلوسه مراديم
نموت والله ماتقّصر يدينا
.
وقلّ للرفيق اللي جفى دون تسليم
ياخاين العشره ترانا وفينا
.
حنا خلقنا الله زحول وشغاميم
نصبر على جور الزمن والسنينا
.
بالمرجله والطيب حزنا المفاهيم
ياكم ماخذنا وياما عطينا
.
وبنيت مبدا القاف كله على ايم
من هاجسن وقت القسى مايلينا
.
لعل من يسمع جديد الترانيم
يدعي لنا بالخير في كل حينا
.
ويالله تبدل جو الاحزان بالغيم
ونعيش باقي عمرنا مهتنينا
.
وقلّ للزمان اللي سقانا من الضيم
لابد ما ننسى سواياه فينا