محمد بن احمد الحربي  

ياملكنا ملكنا اتكلنا

انت تامر وحنا للصعايب

لاح برق الجنوب ورعد دنّا

من شمالٍ يحذر كل خايب

وباقي المملكه منا ومنا

صوتوا ياملك بالشور صايب

والله إن العذارى لو تحنّا

من دمانا فلا نخشى النوايب

والله إنا كفو نسعد يمنّا

وفدوه لسوريا جاهل وشايب

يوم طهران تبغى تمتحنا

مادرت غير نجعلها خرايب

علموها ترى سلمان غنّا

ديننا والوطن معه الحبايب

دون مكه وطيبه فينا جنّا

ننحر اللي  يدور للحرايب

والله إنا نسم اللي تجنّا

ثم نذريه مع هب الهبايب

ياملكنا حزامك لاتونا

وانت راعي الحزم كفو الطلايب

ادّب اللي تفاخر حنّا حنّا

في زمان الفتن وام الغرايب

خل من مر طهران إبزمنّا

يعتبر في ملاعين الصلايب

من بغى ضيمنا لا ماتهنّى

دام ياسيدي يهوى المصايب

 حنا ويلٍ على الكافر تدنى

قدمنا لو حديد يسير ذايب

ماسوى العز شين قد فتنّا

لو تجي كل دنيانا وهايب

غيرها إقلوبنا لا ماتمنى

غير أمر الشهاده شي طايب

رهن عينك ولا نخذلك ظنّا

يامليك يطوع للصعايب

زغردي يابنيه في وطنّا

وافرحي والفرح ماهو بغايب

دام رجل المواقف قد تبنّا

مجدنا باذن ربي يوم آيب

حنّا محنا عرب كنّا وكنّا 

عندنا قدره نسوي العجايب

ياملكنا وعلمك لا وصلنا 

والله إنا كفو فك النشايب