ياهاجسـي جَـرّ اللحـن بالمبـابـاه
ماهـوب يطربـنـي ولانــي بـجـره
ان ماحصل طرقً يهيضك معنـاه
ويعلن ورى عـوج المحانـي مقـره
اسلم وسلم لي على اهل المـلالاه
ابــتــشــره والـنـشــامــا تـــشــــره
يازيـن والله كلمـة الصـدق زيـنـاه
لـوجـاك منـهـا يالبـنـادم مـضــره
يقولها اللي حده الوقـت لقصـاه
لـكــن مـــع الايـــام مـابــاح ســـره
الوقـت يعطينـا ويـاخـذ عطـايـاه
وان مــد مــره شــح تسعـيـن مــره
اشوفـه برمحـه وسيـفـه وشلـفـاه
يــفــرنــا فـــــــره وفـــــــره وفـــــــره
والـحـظ عـيـت لاتـدرهـم مـطـايـاه
وانــا وراه تـقـول قـصـاص جــره
امــد لـــه يـمـنـاي ويـمــد يـســراه
بسلـوب مثـل اللـي يبينـا نـجـره
وانا ادري انـا لـو نجـره قطعنـاه
والــيــا انـقـطــع مــاهــوب لله دره
كلن يسوق ركاب فكـره علـى مـاه
ولايلتـفـت للـوقـت خـيـره وشـــره
الله هــو الـلـي لارجيـنـا رجـيـنـاه
مــبــدلً عــســر الـيـالــي مــســره
ولولا الرجا في مد جوده ولو لاه
ماكـان شفـت اوضاعنـا مستـقـره
https://youtu.be/4BZz6n64Cws
الشاعر / عبدالله بن قنيص
