قصيدة وطنية للشاعرالقدير / لافي بن عايش السرحاني
جزل القصايد يوم انادي بالزحام
تهمل رعاع القـاف تاتي بالرزيـن
وتناوش الأفكار تاتي باحتـدام
على الورق باشعار والمعنى الرسين
بيني و بينه صحبة ٍ ماهـي كلام
كل ما ندهته للوطن جتني عرين
تزأر و تزحـم في بعـضها للغمـام
تفخر وتزخر سيدي في كل حين
ياتي عليها في حضورك يا مقام
سموّكـم يا اميرنا جعلك سنيـن
تنعـم بصحـه والبلد نـحو الامام
جزل القوافي والقصايد بك تزين
ياموطـني دار الاكـارم و الـكرام
يا أرض سيد هالبـشر والمرسليـن
يا اطهر بقاع الأرض ياالبيت الحرام
ياارض المدينه والحرم والمحرمين
لشعيب مكه وأرض نجد وفي تهام
وأرض النفود وكل سهله بي حنين
يوم الجَهل والشرك وعبّاد الصنام
والعرب كانوا .. قبل متناحرين
رفّ بيرق معتلي رجـم وسنـام
ديدنه توحيد يسمو عدل ودين
احقاب مجد ٍ نوّرت عصر الظلام
ماهو مجد الأمس والا من سنين
الله وأكبـر و العـدو يلجم لجـام
يخسى العدو حاله بحال الغابرين
في موطني أسياد نبراس السلام
والقائد اللي في ظلاله محتمين
بإذن الإله اللي تعالى ما يضام
باعث لنا الفرقان و مشرع الدين
ياذخرنا في هالبلد عـن كل طام
يامرعب أعداء الشريعه كل حين
لافـكـروا … اعـداءنا بالانـقـسـام
شعب وقياده هالبلد متكاتفين
حبل الولاء اللي نكنه ما يسـام
ولا ينشرى باسواقهم حبلٍ متين
يا سيدي لك منـنا كل احـتـرام
وولي عهد القائد الحـر الأميـن
محمد اللي للعدى مثل الحسام
و وليه اللي بالمهمـه لـه عويـن
اطلب اللي نعبده حـج وصيـام
يحفظك ياموطني درعٍ حصين
شعب أبيّ وحكامنا فـيها ” عِظام “
دارٍ يكبـّر صوبـها هالمسـلمـيـن