صليح مصلح المالكي
خلاص ماودي بحبك ولقياك
حل الفراق اليوم بينك وبيني
ارخصت لك غالين والروح لرضاك
وأسقي عروق الوصل من دمع عيني
أبعد عساك اليوم تسعد بدنياك
وأسعد أنا باللي بقى من سنيني
قررت أغير موجة الحب وانساك
والله على بعدك وهجرك يعيني
التوبه إني أعشق اليوم شرواك
غشيتني واحسبك مكسب ثميني
صحيح ماللحب داعي وجيناك
نرمي سهام الحب عرض الجريني
حسيت من نظرة عيونك وبلواك
إنك على درب الجفى تحتريني
حسره على قلب العنى كم تمناك
ينزف لك الشريان صافي حنيني
واليوم ماودي بحبك وطرياك
لابد من بعد الخسارة تزيني
2 comments
2 pings
بدر قليل الساعدي
18/10/2016 at 2:50 ص[3] Link to this comment
صح لسانك يابو مالك قصيده جميله جدا
أبو سلمان
11/05/2018 at 6:54 م[3] Link to this comment
صح لسانك أبو مالك
إبداع وإمتاع