مشتبّ مشتبّ كنّي نار جنيه
يلملم الفوح فيني عالمٍ بارد
للدرب ظلمه تموت بخنجر النيه
أقدح ضلوعي وشب البرد و المارد
مشعل الغامدي
جتني بيوتك وللابيات رديه
كن الخواطر تجي من منبعك تارد
الله ياقلبٍ به الضيقات ماريه
مايهتني بالدفا وليل الشتا بارد
فهد عبدالغني
من هنا خاص بفواحة عطر
تلقى علاجك لو إتزوجت ببنيه
صغيّره والحلى من واجد لواجد
ويخف همك وتبقى الروح مسليه
يطلب قصيدتك حتى راشدالماجد
الفنان محمد سليم
يتلعثم الشوق في صدور الحياويه
وأنا مابين الذهول وفكري الشارد
غيبي وابعزفك من اشواقي الحيه
اما اني انساك هذا اللي ماهو بوارد
فايز سراحان
جيتك خذيت من الملايين لي ميّه
وترتكت باقي الخلق والجن يتشارد
ضامي وأدور بالتضاريس لي ميه
يوم إن نهر الشوق بالوقت يتجارد.
عذاب الصمت
احيان مثلك يجيني شي عصريه
واقوم احاكي جليسٍ كنه المارد
وامشي صحاري على السجات رجليه
وارجع دياري وانا من الخوف متوارد
محمد خبراني
حبيت لي من شموخ الارض انسيه
ترفع مقام الغلا لسهيل وعطارد
انا معاها تراني صافي النيه
وهي معي مثل احساس الهوى البارد
