د.عبدالرحمن السعيد
الله يزيدك حسن ياتاج راسي
يامغنيتني عن وجيه العذارى
أشتقت لك والبعد قاهر وقاسي
والنور من عيني ببعدك توارى
في غيبتك جفني مفارق نعاسي
في غيبتك إدموع عيني سهارى
في غيبتك فنجال همي وكاسي
ماأحتال أهزه والسواقي حيارى
قهويتني بالبعد ضيق ومآسي
وكل المشاعر من غيابك قهارى
معقول في غيبتك اصبحت ناسي
قلبٍ يشومك عن دورب الغيارى
ماأشوف غيرك ناس ياكل ناسي
وفي عالمي مافيه غيرك يطارى
يطيح قلب ومن يشوفه متواسي
في عين غيرك عاشقك مايبارى
كيف أشتكي لك منك وأنت المواسي
دمّك هنا داخل وريدي يتجارى
يامن ملك قلبي وروحي وساسي
ياكنز حرية بعين الأسارى
في شوفتك يشتد في الحب باسي
مثل الفرح لازار قلب الفقارى
حبيبتي ياتاج قلبي وراسي
يامنسيتني شي اسمه عذارى
