هاتني من عيونك لا نويت الرحيل
لا تشوف انكساري وارتباك الامل
ردني للغياب اللي زرعته بليل
من عيون الموادع وانقطاع السبل
خذ مواعيد ليل الانتظار الطويل
هات صبح التساؤل ، بأقنعه لو سأل
فزّ فيني معاند غصب ع المستحيل
ما تشوف انكساري لو حصل ما حصل
داخلي ألف مارد بين حطٍ وشيل
يا أحطم جنوني أو أهد العقل
عزة النفس ما تسكن بنفس الذليل
ما بعد شفت أصعب من دموع الرجل
يعني أرحل أو رجع غب كثير و قليل
يا جبل ما يهزك ريح من هو رحل
طفي الليل . ماني ساهرك مع سهيل
بأسهرك مع جنونٍ داخلي ما اكتمل