الشوق له قصه وذكرى وميعاد
ورى الضلوع اللي وفاها طبيعه
قلبي بعد فرقاه طرقي ونشاد
تايه لو ان الارض قدمه وسيعه
شظايا الشمس
ياراحلين ابدوا على صدورنا .. عاد
صار الغياب لكل عاشق ذريعه
تنزف مواجعنا ونقسى على الضاد
هذا هو اللي بعدكم نستطيعه
فايز سراحان
مالوم ابو نورة ليا (دوزن )ابعاد
ولاالوم قلبي يوم يامر واطيعه
شفني يابو ريان في ذنب وجهاد
ودموع عيني يوم يطري سريعه
شظايا الشمس
جمر الغضى اللي بين الاضلاع وقاد
موجودةٍ فالقلب مثل الوديعه
كنا اثنين احباب واثنين حساد
نبغى الوصل وهم يبون القطيعه
فايز سراحان
قل للمكابر كافي صدود وعناد
حرام من يشري وصالك تبيعه
وقل للجفا ياخذ من اللهفه إقناد
ويجرب احساس الشقاء والفجيعه
شظايا الشمس
مثل العمر يفنى وينقص اليا زاد
هذا الفراق اللي بليا شريعه
ومثل السحاب اللي تسجله الارصاد
مروا وصيف القلب يشبه ربيعه
فايز سراحان
عقبه فلا يهناني الشرب والزاد
وملامح الدنيا بعيني فضيعه
الصبر للمشتاق مضني ولافاد
مثل السراب اللي جذبني لميعه
شظايا الشمس
ياخانة الالاف روفي بالاحاد
لاتعرضين صدورنا للهزيعه
لاشك مافينا من الشوق مقعاد
ولا فيه رجم الا بدينا في ريعه
فايز سراحان
بالكاد اهدي لهفة القلب بالكاد
ومالوم قلبن صار هذا صنيعه
والشوق له (ذكرى) و(قصه )و(ميعاد)
وانا وفاء قلبي لشوقي طبيعه
شظايا الشمس
